Lærar: Kjersti Grøstad og Ellen Grøstad Barstad

Kunstkurset kostar 8800,- ( 550,- i tillegg for enkeltrom) Prisen inkluderer kursavgift (4400,-) , kost og losji.

Vekekurset har 35 undervisningstimar. I undervisninga går teori og praksis går hand i hand; vi vekslar mellom individuell undervisning og forelesingar. Kvart kurs har to lærarar som har brei erfaring, solid utdanning og er utøvande kunstnarar. Den teoretiske undervisinga tek for seg komposisjon, form- og fargelære, teknikk og kunsthistorie. Den praktiske og individuelle undervisninga går føre seg om formiddagen. Om veret tillet det, tek vi med oss målarsakene ut. Vi oppheld oss i området rundt Nutheim eller på nærliggande stader. Om kvelden er det gjennomgang av dagens arbeid, samt teoriundervising.

PRAKTISKE OPPLYSNINGAR
Kurset starter mandag kl 12.00 med fordeling av rom og lunsj, og varer til fredag kl 17.00.
NB: Utskjekk av romma kl 12.00 på fredag.

Målarkursa er tett knytt til Nutheim Gjestgiveri ved at kursdeltakarane et og bur på hotellet og i anneksa rundt Prestegardstunet. Frukost og 4-rettars middag vert servera i spisestova på hotellet. Me smørjer eiga lunsjpakke ved frukosten.
Kurset nyttar både atelier og naturen som undervisingsrom, der er derfor viktig å ha med komfortable og praktiske klede – samt skotøy som passar til ulike verforhold.

KVA TRENG DU?
Elevane tar med seg det dei har av teikne – og målarutstyr, men kan òg få kjøpt det dei treng av utstyr på Nutheim. I butikken vår sel vi olje- og akrylfargar av merket Old Holland og van Gogh, i tillegg til annan materiell. Old Holland er svært gode kunstnarfargar og Van Gogh er gode studiefargar.

Til kurset treng du:

Skisseblokk og blyant
4-5 lerret eller måleplater, kol, fiksativ
Palett, palettkopp for målarmiddel/vatn
3 penslar, palettkniv
Målarmiddel(terpentin, white spirit)
Målarfiller
Fargar olje-/akryl-/vassfargar