I sommar inviterer vi til ei spanande smaksoppleving på Skinkerådhuset, det staselege huset midt i Stranda sentrum.

Kom og smak på det beste Stranda har å tilby! Du får servert fem tapasrettar laga med dei beste skinkene frå Stranda og Tind, og handverksostar frå Skarbø Gard, akkompagnert av andre lokale matskattar. Til kvar tapas kjem ein ny sider frå Sunnmøre sitt første sideri på Skarbø.

Vi guidar deg gjennom smakane, og deler dei unike historiene bak produkta. Det vert ein garantert triveleg kveld ved langbordet i Stranda si finstove. Velbekomme!